Құрамы
Бір таблетканың құрамында
белсенді зат: каберголин 0,5 мг;
қосымша заттар: сусыз лактоза, лейцин, магний стеараты.
Қолданылуы
- босанғаннан кейін физиологиялық лактацияны алдын-алу және босанғаннан кейінгі тұрақталған лактацияны басу:
1) босанғаннан кейін, анасы емізгісі келмесе немесе емізу анасына немесе баласына медициналық себептер бойынша қарсы көрсетімді болса;
2) шарана өлі туылғаннан немесе түсік тастағаннан кейін
Агалатес пролактин секрециясын тежеу арқылы физиологиялық лактацияны алдын алады.
- аменорея, олигоменорея, ановуляция, галакторея сияқты гиперпролактинемиямен байланысты бұзылуларды емдеу;
- гипофиздің пролактин бөлетін аденомалары (микро - және макропролактиномалар); идиопатиялық гиперпролактинемия немесе жоғарыда аталған клиникалық жағдайлардағы негізгі патологиялар болып табылатын гиперпролактинемиямен біріктірілген «бос» түрік ершігі синдромы.
Қарсы көрсетілімдер
- әсер етуші затқа немесе кез-келген қосымша заттарға, сондай-ақ кез-келген қастауыш алкалоидтарына аса жоғары сезімталдық
- галактоза жақпаушылығы, Лапп лактазасының жеткіліксіздігі, глюкоза-галактоза мальабсорбциясы
- жүктілік кезінде дамыған артериялық гипертензия, мысалы, преэклампсия немесе босанғаннан кейінгі артериялық гипертензия
- анамнезінде фиброзбен (өкпе, перикардиалды немесе ретроперитонеальді фиброз) байланысты аурулардың болуы
- ұзақ емдеу кезінде эхокардиография деректері бойынша жүрек вальвулопатиясының белгілерін емдеуге дейін
- 16 жасқа дейінгі балалар
Дозасы
Лактацияны алдын алу: босанғаннан кейінгі бірінші күні бір рет 1 мг (0,5 мг-ден 2 таблетка).
Тұрақталған лактацияны басу: тәулігіне екі рет 0,25 мг-ден (0,5 мг-ден 1/2 таблетка), екі күн ішінде әр 12 сағат сайын (жалпы доза 1 мг-ге тең).
Гиперпролактинемиямен байланысты бұзылуларды емдеу: ұсынылатын бастапқы доза аптасына бір қабылдауда (1 таблетка 0,5 мг) немесе екі қабылдауда (1/2 таблетка 0,5 мг, мысалы, дүйсенбі және бейсенбі) 0,5 мг құрайды. Апталық дозаны жоғарылату оңтайлы емдік әсерге жеткенге дейін бір ай аралықпен аптасына 0,5 мг-ге біртіндеп жүргізілуі керек. Терапевтік доза әдетте аптасына 1 мг құрайды, бірақ аптасына 0,25 мг-ден 2 мг-ге дейін ауытқуы мүмкін. Гиперпролактинемиясы бар әйел пациенттер үшін ең жоғары доза аптасына 4,5 мг-ден аспауы тиіс.
Жағымдылығына қарай апталық дозаны бір рет қабылдауға немесе аптасына 2 немесе одан да көп рет қабылдауға бөлуге болады. Препаратты аптасына 1 мг-ден астам дозада тағайындаған кезде апталық дозаны бірнеше қабылдауға бөлу ұсынылады, себебі, аптасына бір рет қабылдағанда мұндай дозаларға жағымдылық аз жағдайларда ғана бағаланған.
Пациенттердің дозасын таңдау кезінде ең аз тиімді дозаны анықтау мақсатында бақылауды жүргізу қажет. Қан сарысуындағы пролактин деңгейін қалыпқа келуі әдетте тиімді дозаны таңдағаннан кейін 2-4 апта ішінде байқалатын болғандықтан, ай сайын анықтау керек.
Агалатес препаратын тоқтатқаннан кейін әдетте гиперпролактинемияның қайталануы байқалады. Алайда, кейбір жағдайларда бірнеше ай ішінде пролактин деңгейінің тұрақты төмендеуі байқалады. Әйелдердің көпшілігінде овуляциялық циклдар Агалатес препаратын тоқтатқаннан кейін де кем дегенде 6 ай бойы сақталады.
Ең жоғары доза тәулігіне 3 мг құрайды.
Енгізу әдісі мен жолы
Тамақтану кезінде ішке. Бұрын Агалатес тамақтану кезінде қабылданғандықтан, сондай-ақ тамақтану кезінде әдетте осы кластағы препараттарға жағымдылық жақсаратын болғандықтан, Агалатес препаратын тамақтану кезінде қабылдау ұсынылады.
Таблетканы бір стақан сумен тұтастай ішеді.
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.