Құрамы
Құрамы
Бір капсуланың құрамында
белсенді заттар - 250 мг амоксициллинге баламалы амоксициллин тригидраты немесе 500 мг амоксициллинге баламалы амоксициллин тригидраты, 60 млн лактобактерия споралары (20% артық).
қосымша заттар: магний стеараты, коллоидты кремнийдің қостотығы (аэросил-200), тазартылған тальк.
қабықтың құрамы: желатин, титанның қостотығы, натрий лаурилсульфаты, поливинилпирролидон, тазартылған су.
Қолданылуы
- тыныс алу жолдарының жұқпаларында
- ЛОР-жұқпаларда (ортаңғы отит, синусит, тонзиллит, фарингит)
- несеп-жыныс жүйесі ағзаларының жұқпаларында, созды қоса есептегенде
- өт жолдарының және өт қалтасының жұқпаларында
- асқазан-ішек жолының жұқпаларында (созылмалы Salmonella typhi бактериясын тасымалдаушыларды бактериологиялық емдеуді қосқанда)
- тері мен шырышты қабықтардың жұқпаларында
- сүйектердің жұқпаларында (остеит, остеомиелит)
- бактериялық эндокардитте.
Қарсы көрсетілімдер
- препарат компоненттеріне және пенициллин қатарының басқа антибиотиктеріне асқын сезімталдықта
- жұқпалы мононуклеозда немесе лимфолейкозда
- 6 жасқа дейінгі балаларға
- асқазан-ішек жолының құсумен, диареямен қоса қабаттасатын ауруларында.
Дозасы
Қолдану тәсілдері және дозасы
Ересектер және 10 жастан асқан балалар
Амокстің әдеттегі дозасы, аурудың ауырлығына байланысты, әрбір 8 сағат сайын қабылданатын 250-500 мг-ды құрайды. Тыныс алу жолдарының ауыр немесе қайталанатын жұқпаларында Амокстің дозасы әрбір 12 сағат сайын қабылданатын 3 г-ды құрайды. Амокстің ең жоғары тәуліктік дозасы 6 г-ды құрайды.
6-дан 10 жасқа дейінгі балалар
Амокстің әдеттегі дозасы, аурудың ауырлығына байланысты, әрбір 8 сағат сайын қабылданатын 125-250 мг-ды құрайды. Орташа тәуліктік дозасы 3 қабылдауға бөлінген, дене салмағының әр кг-на шаққанда 20-40 мг-ды құрайды. Дене салмағы 40 кг-нан асатын балаларға препараттың ересектерге арналған дозасын тағайындайды.
Бүйрек қызметінің жеткіліксіздігіне шалдыққан емделушілер
Бүйрек қызметінің жеткіліксіздігіне шалдыққан (креатинин клиренсі минутына 10-30 мл) емделушілерде (250-500 мг) дозаларды қабылдау арасындағы кезең 12 сағатқа дейін арттырылуы тиіс. Егер креатинин клиренсі минутына 10 мл-ден аз болса, негізгі аурудың ауырлығына байланысты, тәулігіне бір рет 250-500 мг амоксициллин тағайындайды (ол 250 мг Амокстің 1-2 капсуласына немесе 500 мг Амокстің 1 капсуласына сәйкес келеді).
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.