Құрамы
100 мл суспензияның құрамында
белсенді заттар: 0,8 г триметоприм,
4,0 г сульфаметоксазол
қосымша заттар: макрогол глицерилгидроксистеараты, алюминий магний силикаты, натрий кармеллозасы, лимон қышқылы моногидраты, натрий гидрофосфат додекагидраты, метилпарагидроксибензоат, пропилпарагидроксибензоат, мальтитол, натрий сахаринаты, бүлдірген хош иістендіргіші, пропиленгликоль, тазартылған су.
Қолданылуы
Бисептол препаратын эпидемиологиялық деректер мен бактерияға резистенттілікке сәйкес «пайда – қауіп» арақатынасын бағалағаннан кейін қолдану керек.
Препаратты қолдану көрсеткіштері ко-тримоксазолға сезімтал микроорганизмдер тудыратын инфекциялармен шектеледі.
Бисептол препаратын тағайындау туралы шешім қабылдаған кезде бактерияға қарсы дәрілік препараттарды дұрыс қолдану бойынша ресми ұсыныстарды ескеру қажет.
Бисептол препараты тек ко-тримоксазолға сезімтал бактериялар немесе басқа микроорганизмдер тудыруы мүмкін инфекцияларды емдеу немесе алдын алу үшін көрсетілген. Мұндай деректер болмаған жағдайда эмпирикалық рационалды антибиотикпен емді таңдағанда жергілікті эпидемиологиялық деректерді және микроорганизмдердің дәрілік сезімталдығын ескеру қажет.
Бисептол препараты ересек пациенттерде, жасөспірімдерде және 6 аптадан асқан балаларда қолдануға арналған.
Қарсы көрсетілімдер
Бисептол препаратын қатаң түрде қолдануға болмайды:
белсенді заттарға, сульфаниламидтерге, триметопримге, ко-тримоксазолға немесе препараттың кез келген қосымша заттарына жоғары сезімталдығы бар пациенттерге;
бауыр паренхимасының қатты зақымдануы бар пациенттерге;
ауыр бүйрек жеткіліксіздігі (креатинин клиренсі <15 мл/мин төмен) бар пациенттерге;
дофетилидпен бірітірілімде;
жүктілік және бала емізу кезеңінде;
өмірдің алғашқы 6 аптасындағы балаларға.