Құрамы
белсенді зат: 810 мг тиамфеникол глицинатының ацетилцистеинаты (500 мг тиамфениколға баламалы),
Қосымша зат: динатрий эдетаты.
Еріткіш: инъекцияға арналған су.
Қолданылуы
Препаратқа сезімтал микроорганизмдерден туындаған және мукостазбен қатар жүретін респираторлық бактериялық инфекцияны емдеу үшін.
Жергілікті қолдану:
- жедел және созылмалы бронхит, бронхопневмония және ұзаққа созылған пневмония, обструктивті эмфизема, бронхоэктазды ауру
- торакальді хирургиялық араласулардан кейінгі (бронхопневмония, ателектаз) бронхөкпе асқынуларының профилактикасы және емдеу
- кавернозды ошақты дренаждауды жақсарту үшін өкпе туберкулезі кезінде респираторлық инфекцияның спецификалық емес түрлері
- экссудативті ортаңғы отит, синусит, ринофарингит, фаринготрахеит
- трахеостомиядан кейінгі обструктивті және инфекциялық асқынулардың профилактикасы мен емдеу, бронхоскопияға, бронхографияға, бронхоаспирацияға дайындау
Жүйелі қолдану:
- дәрігер біріктірілген микробқа қарсы және муколитикалық ем ұсынған бронхөкпе ауруларының жоғарыда аталған барлық жағдайларында.
Қарсы көрсетілімдер
- әсер етуші затқа немесе қосымша заттардың кез келгеніне аса жоғары сезімталдық
- анамнездегі сүйек кемігі функциясының жеткіліксіздігі
- анурия
Дозасы
Жергілікті қолдану
Ингаляциялық: ересектерге - 250 мг-ден (2 мл ерітінді) тәулігіне 1-2 рет, балаларға - 125 мг-ден (1 мл ерітінді) (500 мг құрғақ затты 4 мл инъекцияға арналған суда ерітеді).
Инстилляция:
Препаратты эндотрахеальді түрде ересектерге және балаларға бронхоскоп, интубациялық түтік, трахеостома арқылы енгізеді - 1-2 мл ерітіндіден (500 мг құрғақ затты 4 мл инъекцияға арналған суда ерітеді).
Ересектерге және балаларға мұрын маңындағы қойнауларға енгізу үшін, сондай-ақ мұрын және емізік тәрізді өскін аумағындағы хирургиялық араласулардан кейін қойнауларын шаю үшін - 1-2 мл ерітіндіден (500 мг құрғақ затты 4 мл инъекцияға арналған суда ерітеді).
Мұрын-жұтқыншақ және құлақ ауруларында әрбір мұрын жолына немесе сыртқы есту жолына 2-4 тамшыдан тамызады.
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.