Құрамы
100 г препараттың құрамында
белсенді зат - 0.6 г формальдегид ерітіндісі (35%)
қосымша заттар - 95% этанол, әтір, тазартылған су
Дозасы
Сыртқа, аяқтың аралық қатпарларын күніне 1 рет аз мөлшерде сұйықтықпен сүрту ұсынылады. Гигиеналық душтан және кептіруден кейін терінің терлеуі жоғары (табан, алақан, саусақаралық қатпарлар) жерлерге препаратты 30-40 минутқа жағады. Содан кейін препарат жылы сумен жуылады. Препаратты нәзік сезімтал теріге (әйелдердің қолтық асты мен алақандары) 20 минуттан аспайтын мерзімде қолдану керек. Осыдан кейін теріні жуғыш заттарсыз жылы сумен мұқият жуып және тальк немесе балалар ұнтағын себу керек. Қолтықтарды қырынғаннан соң Формидронды бір тәуліктен кейін ғана қолдануға болады. Терінің тершеңдігін 7-12 күнге төмендету үшін бір процедура жеткілікті. Қатты терлеу кезінде процедура қатарынан 2-3 күн өткізіледі.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Сезімтал тері болса, жаққан жері тітіркенуі мүмкін.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz