Құрамы
20 мл препараттың құрамында
белсенді заттар: 0,5 г еритін стрептоцид, 0,5 г натрий норсульфазолы,
қосымша заттар: тимол, эвкалипт майы, бұрыш жалбыз майы, 96 % этил спирті, қант, глицерин (глицерол), твин 80 (полисорбат), тазартылған су.
30 мл препараттың құрамында
белсенді заттар: 0,75 г еритін стрептоцид, 0,75 г натрий норсульфазолы,
қосымша заттар: тимол, эвкалипт майы, бұрыш жалбыз майы, 96 % этил спирті, қант, глицерин (глицерол), твин 80 (полисорбат), тазартылған су.
Қолданылуы
- ауыз қуысы, көмей және мұрынжұтқыншақтың жедел және созылмалы инфекциялық-қабыну ауруларында: тонзиллит, фарингит, афтозды және ойық жаралы стоматит
Дозасы
Ауыз қуысының шырышты қабығын шаю үшін ересектер мен 6 жастан асқан балаларға жергілікті тағайындайды. Шаюды тамақ қабылдағаннан кейін 2-3 сағаттан соң немесе тамақ қабылдау аралығында тәулігіне 3-4 рет жүзеге асырады. Емдеу курсы 7 күннен аспауы қажет.
Құтыдан қолданар алдында, оны тек тігінен ұстап тұрып мөлдір қорғаушы қалпақты шешіп алып, құтыға 90 º бұрышпен қондырманы қою керек.
Қондырманы ауызға апарып сұйық шашырандыны өңдейтін жерге бағыттай отырып, бүріккішті 3-4 рет басу керек. Бүріккіш ластанбау үшін оны үрлеу немесе қайнаған сумен жуу ұсынылады.