Құрамы
Дәрілік препарат құрамы
1 мл ерітіндінің құрамында
белсенді зат - 40 мг калий хлориді,
қосымша заттар: декстроза моногидраты, хлорсутек қышқылы 1 М ерітіндісі, инъекцияға арналған су.
Қолданылуы
- қант диабеті, ұзақ мерзімді диарея, құсу аясында, кейбір диуретиктерді (тиазидті, тиазид тәрізді, ілмекті) қолданғанда, глюкокортикостероидтармен, жүрек гликозидтерімен, гипотензивті препараттармен емдегенде пайда болған гипокалиемияны емдеуде және профилактикасында
- дигиталистік уыттануды емдеуде және профилактикасында
- шығу тегі әртүрлі аритмияларда (электролиттік бұзылулармен және абсолютті немесе салыстырмалы гипокалиемиямен байланысты)
- миокард инфарктісі бар науқастарда аритмияның профилактикасында (жедел кезеңінде).
Қарсы көрсетілімдер
- препараттың компоненттеріне жоғары сезімталдық
- бүйректің жедел және созылмалы жеткіліксіздігі
- толық атриовентрикулярлы блокада
- бүйрек үсті безі жеткіліксіздігі
- калий жинақтаушы диуретиктермен қатарластыра емдеу
- гиперкалиемия
- метаболизмдік бұзылулар (ацидоз, гипонатриемиясы бар гиповолемия)
- асқазан-ішек жолының эрозиялы-ойық жаралы аурулары
- 18 жасқа дейінгі балалар және жасөспірімдер (тиімділігі және қауіпсіздігі анықталған жоқ)
Дозасы
1 ампула (10 мл) 40 мг/мл калий хлориді ерітіндісінде 0,4 г калий хлориді бар. Изотониялық ерітінді алу үшін (алынған ерітіндінің концентрациясы 4 мг/мл), 50 мл 40 мг/мл калий хлориді ерітіндісін (2,0 г калий хлориді) инъекцияға арналған суда 10 есе (500 мл-ге дейін) сұйылтады және вена ішіне тамшылатып (минутына 20-30 тамшы) енгізеді.
Вена ішіне тамшылатып енгізу үшін 2,5 г-ге дейін калий хлоридін (62,5 мл калий хлориді ерітіндісіне дейін 40 мг/мл) 500 мл 0,9% натрий хлориді ерітіндісінде немесе 5% декстроза ерітіндісінде (алынған калий хлориді ерітіндісінің концентрациясы 5 мг/мл) есеппен дайындауға болады.
Енгізу әдісі және жолы
Препарат тек стационар жағдайында қолданылады. Вена ішіне тамшылатып енгізіледі.
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.