Құрамы
100 мл ерітіндінің құрамында
белсенді зат - клотримазол 1г,
қосымша заттар: пропиленгликоль, глицерол.
Дозасы
Кандид препаратының 10-20 тамшысын (0.5 мл - 1 мл) ауыз қуысының зақымданған бөлігіне мақта таяқшамен күніне 3-4 рет жағады. Жаққан кезде ауыз қуысындағы зақымданған немесе қабынған барлық жердің ерітіндімен өңделгеніне көз жеткізу керек. Жақсару 3-5 күні ғана басталғанына қарамастан, емдеуді аурудың клиникалық көріністер толық жойылғанша жалғастырған жөн. Препаратты тек дәрігердің тағайындауы бойынша ғана балаларға қолдануға болады.
Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар
Дәрігердің кеңесі қажет емес
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Атап келтірілген жағымсыз әсерлер тосыннан келіп түскен хабарламаларға негізделгендіктен, олардың әрқайсысы үшін туындау жиілігін дәл анықтау мүмкін емес.
- анафилаксиялық реакция;
- ангионевроздық ісіну;
- жоғары сезімталдық;
- естен тану;
- артериялық гипотензия;
- ентігу;
- күлбіреуіктер, жанаспалы дерматит, эритема, парестезия, терінің қабыршықтануы, қышыну, бөртпе, есекжем, күйдіру сезімі/терінің ашуы;
- жаққан жердің тітіркенуі, жаққан орындағы реакция, ісіну, ауыру.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz