Құрамы
5 мл суспензияның құрамында
белсенді зат - кларитромицин 125 мг немесе 250 мг
түйіршіктердің қосымша заттары: карбопол 974 Р, повидон (К90), тазартылған су
түйіршік қабығы: гипромеллоза фталаты (НР-55), майсана майы
басқа қосымша заттар: коллоидты кремнийдің қостотығы, мальтодекстрин, сахароза, титанның қостотығы (Е 171), ксантан шайыры, біріктірілген жеміс хош иістендіргіші, калий сорбаты, сусыз лимон қышқылы.
Қолданылуы
Балаларға арналған пероральді суспензия түріндегі Клацид® 6 айдан 12 жасқа дейінгі балаларға сезімтал микроорганизмдер туғызған инфекцияларды емдеу үшін қолданылады.
Мұндай инфекцияларға мыналар жатады:
- төменгі тыныс жолдарының инфекциялары (бронхит, пневмония)
- жоғарғы тыныс жолдарының инфекциялары (синусит, фарингит)
- тері мен жұмсақ тіндердің инфекциялары (фолликулит, целлюлит/флегмона, тілмелі қабыну)
- жедел ортаңғы отит
Қарсы көрсетілімдер
- макролидтер тобының антибиотиктеріне немесе қосымша заттардың кез келгеніне аса жоғары сезімталдық
- келесі препараттармен бірге тағайындау:
астемизол, цизаприд, пимозид, терфенадин; қастауыш алкалоидтары (мысалы, эрготамин немесе дигидроэрготамин); пероральді қолдануға арналған мидазолам; CYP3A4 (ловастатин немесе симвастатин) кеңінен метаболизденетін ГМГ-КоА-редуктаза тежегіштері (статиндер); колхицин; тикагрелор немесе ранолазин; ломитапид.
- анамнездегі QT аралығының ұзаруы (туа біткен немесе анықталған QT аралығының ұзаруы), қарыншалық жүрек аритмиясы (екі бағытты тахикардияны қоса).
- гипокалиемия немесе гипомагниемия (QT аралығының ұлғаю қаупі).
- бауырдың ауыр жеткіліксіздігі және/немесе бүйрек жеткіліксіздігі (креатинин клиренсі 30 мл/мин-ден аз).
- фруктозаға немесе глюкоза-галактоза мальабсорбциясына тұқым қуалайтын жағымсыздығы
Дозасы
6 айдан 12 жасқа дейінгі балалар
12 жасқа дейінгі балаларға Клацид® педиатриялық суспензиясын (пероральді суспензияға арналған түйіршіктер) қолдану керек.
Балалардағы Клацид® 125 мг/5 мл немесе 250 мг/5 мл педиатриялық суспензияның ұсынылған тәуліктік дозасы күніне екі рет 500 мг ең жоғары дозаға дейін күніне екі рет 7.5 мг/кг құрайды. Емдеу ұзақтығы әдетте патогеннің түріне және жағдайдың ауырлығына байланысты 5-10 күнді құрайды. Суспензияны тамақ ішуге қарамастан қолданады (сүтпен қабылдауға болады).
Кестеде баланың дене салмағына және суспензия концентрациясына (125 мг/5 мл немесе 250 мг/5 мл) негізделген дозаны анықтау бойынша нұсқаулар бар.
1-кесте
Балаларға дозалау бойынша нұсқаулар
Дене салмағына негізделген
Дозасы тәулігіне 2 рет 7.5 мг/кг мл
Баланың дене салмағы * (кг)
125 мг/5 мл
250 мг/5 мл
1 қабылдауға суспензия дозасы (мл)
кларитромицинге сәйкес келеді (мг)
1 қабылдауға суспензия дозасы (мл)
кларитромицинге сәйкес келеді (мг)
8 – 11
2.5 мл
62.5 мг
1.25 мл
62.5 мг
12 – 19
5.0 мл
125 мг
2.5 мл
125 мг
20 – 29
7.5 мл
187.5 мг
3.75 мл
187.5 мг
30 – 40
10.0 мл
250 мг
5.0 мл
250 мг
* Дене салмағы 8 кг дейінгі балаларға дене салмағының бір килограмына (тәулігіне 2 рет шамамен 7.5 мг/кг) есептеу қажет.
Пациенттердің ерекше топтары
Бүйрек жеткіліксіздігі бар пациенттер
Креатинин клиренсі 30 мл/мин / 1.73 м 2 кем балаларда кларитромицин дозасын жартысына, яғни күніне бір рет 7.5 мг/кг-ға дейін азайту керек. Мұндай пациенттерде емдеу 14 күннен аспауы керек.
Балалар
12 жасқа дейінгі балаларға Клацид® педиатриялық суспензиясын (пероральді суспензияға арналған түйіршіктер) қолдану керек.
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.