Құрамы
1 мл препараттың құрамында
белсенді зат - бензидамин гидрохлориді 3.0 мг,
қосымша заттар: глицерин, этанол 96 %, сахарин, натрий гидрокарбонаты, метилпарагидроксибензоат, бұрыш жалбызы майы, полисорбат 20, тазартылған су.
Қолданылуы
- Ауырсыну синдромымен (тонзиллит, гингивит, глоссит, фарингит, стоматит, афта сияқты және т.б.) қатар жүретін ауыз қуысы мен ЛОР-ағзаларындағы қабыну жағдайларын симптоматикалық емдеу.
- Консервативті стоматологиялық емшаралардан немесе тіс экстракциясынан кейін жергілікті симптоматикалық емдеу.
Қарсы көрсетілімдер
- бензидаминге немесе «Дәрілік препараттың құрамы» бөлімінде аталған қосымша заттардың кез келгеніне аса жоғары сезімталдық.
Дозасы
Препарат ересек пациенттерде, соның ішінде тамақ шаюға қиналатын адамдарда қолдануға арналған.
Ересектер мен 12 жастан асқан жасөспірімдер: 2-4 рет бүркуден (дозасы), тәулігіне 2-6 рет.
Ұсынылған дозадан асырмаңыз.
Енгізу әдісі мен жолы
Жергілікті, тамақтан кейін.
Емдеу ұзақтығы
Емдеу ұзақтығы дәрігердің кеңесінсіз 7 күннен аспауға тиіс.
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.