Құрамы
Бір капсуланың (ингаляция) құрамында
белсенді зат - 150 мкг немесе 300 мкг индакатерол (тиісінше, 0,194 мг немесе 0,389 мг индакатерол малеаты түрінде),
қосымша заттар: лактоза моногидраты,
150 мкг капсула қабығының құрамы: желатин, шеллак (Е 904), темірдің қара тотығы (Е 172), бутанол, тазартылған су, пропиленгликоль (Е 1520), сусыз этанол, 2-пропанол, концентрацияланған аммиак ерітіндісі,
300 мкг капсула қабығының құрамы: желатин, шеллак (Е 904), FD&C көк #1/бриллиантты көгілдір FCF алюминий лагы (Е 133), темірдің қара тотығы (Е 172), бутанол, тазартылған су, пропиленгликоль (Е 1520), сусыз этанол, 2-пропанол, метилденген өнеркәсіптік спирт 74 ОР, титанның қостотығы (Е 171).
Қарсы көрсетілімдер
- әсер етуші затқа, лактозаға немесе кез келген қосымша затқа аса жоғары сезімталдық
- балалар мен 18 жасқа дейінгі жасөспірімдер
- тұқым қуалайтын фруктоза көтере алмаушылығы, Лапп-лактаза ферментінің тапшылығы, глюкоза-галактоза мальабсорбциясы бар адамдар
Дозасы
Ұсынылатын доза — бұл тәулігіне бір рет Онбрез® Бризхалер® ингаляторының көмегімен бір капсуланың ішіндегісінің 150 мкг немесе 300 мкг ингаляциясы. Дозаны тек дәрігердің ұсынымы бойынша арттыру керек.
300 мкг бір капсуланың ішіндегісін Онбрез® Бризхалер® ингаляторының көмегімен тәулігіне бір рет ингаляциялау әсіресе ӨСОА ауыр түріне шалдыққан пациенттерде ентігуге қатысты клиникалық көрсеткіштердің қосымша жақсаруын қамтамасыз етуі мүмкін. Ең жоғары доза тәулігіне 300 мкг құрайды.
Пациенттердің ерекше топтары
Балалар
Онбрез Бризхалер препараты балалар мен жасөспірімдер жасындағы (18 жасқа дейінгі) пациенттерге арналмаған.
Егде жастағы пациенттер
Жасы ұлғайған сайын қан плазмасындағы ең жоғары концентрация және препараттың жүйелік әсері артады, алайда егде жастағы пациенттерге дозаны түзету талап етілмейді.
Бауыр жеткіліксіздігі бар пациенттер
Бауыр функциясының жеңіл және орташа дәрежедегі бұзылулары бар пациенттерге дозаны түзету талап етілмейді. Бауыр функциясының ауыр бұзылулары бар пациенттер үшін Онбрез® Бризхалер® препаратын қолдану туралы деректер жоқ.
Бүйрек жеткіліксіздігі бар пациенттер
Бүйрек функциясы бұзылған пациенттерге дозаны түзету талап етілмейді.
Енгізу әдісі мен жолы
Тек ингаляциялық қолдануға арналған.
Қабылдау уақыты көрсетілген қолдану жиілігі
Онбрез®Бризхалер® препаратын қабылдауды күн сайын бір уақытта жүргізу ұсынылады.
Емдеу ұзақтығы
Қатысы жоқ