Құрамы
1.0 г жақпамайдың құрамында
белсенді заттар: микроорганизмдердің сорпа өсірінділері құнарлы ортасының фильтраты (Escherichia Coli, Pseudomonas aeruginosa, Streptococcus pyogenes, Enterococcus faecalis, Staphylococcus aureus), фенолдың консервтелген ерітіндісі 0,45% (Пиолизин фильтратының өсінділері **) 248.9 мг, мырыш тотығы 69.0 мг, салицил қышқылы 5.0 мг
қосымша заттар: фенол (1,1 мг микроорганизмдер өсіріндісінің қоспасы үшін консервант ретінде), ақ вазелин, сұйық парафин, қатты парафин, октадецилстеарат, глицерин моноолеаты, тазартылған су
Қолданылуы
Жарақаттардың жазылуын эмпирикалық емдеу үшін. Беткейлік жарақаттар кезінде, мысалы, аяқтың ойық жараларын емдеуге қосымша ретінде қолданылады.
Дозасы
Беткейлік жарақаттарды емдеу кезінде жақпамай күнделікті 2-ден 3 ретке дейін жұқа қабатпен жағылады.
Аяқтың ойық жараларын емдеу кезінде жақпамай күніне бір рет жұқа қабатпен жағылады
Дегенмен, егер жағдай нашарласа немесе бір аптадан кейін жақсару байқалмаса, дәрігерге қаралу қажет.
Енгізу әдісі және жолы
Жарақаттарды жазу және емдеу үшін жұқа қабатпен жағылады, жақпамай сыртқа қолдануға арналған.
Емдеу ұзақтығы
Жақпамайды 3 аптадан артық қолданбаған жөн.