Құрамы
Бір таблетканың құрамында
белсенді зат – 512.46 мг левофлоксацин гемигидраты (500 мг левофлоксацинге баламалы),
қосымша заттар: гидроксипропилметилцеллюлоза (E15-LV), микрокристалды целлюлоза РН101, кросповидон СL, натрий стеарил фумараты.
Opadry TAN 20A27134 қабықтың құрамы: гидроксипропилцеллюлоза, гидроксипропилметилцеллюлоза 2910, титанның қостотығы (Е171), темірдің (III) сары тотығы (Е172), темірдің (III) қызыл тотығы (Е172).
Қолданылуы
Потант-сановель дәрілік препараты, таблеткалар, ересек пациенттерде келесі инфекцияларды емдеу үшін қолданылады:
- жедел пиелонефрит және несеп шығару жолдарының асқынған инфекциялары
- созылмалы бактериялық простатит
- сібір ойық жарасының өкпедегі түрі: жанасудан кейінгі профилактика және емдеу.
Төменде аталған инфекциялар үшін, әдетте, осы инфекциялардың старттық емі ретінде ұсынылатын бактерияға қарсы дәрілер пайдаланудың мүмкін еместігі негізделген жағдайларда ғана Потант-сановельді қолдану керек:
- жедел бактериялық синусит
- бронхитті қоса, өкпенің созылмалы обструкциялық ауруының өршуі
- ауруханадан тыс пневмония
- терінің және жұмсақ тіндердің асқынған инфекциялары
- асқынбаған цистит.
Таблеткалардағы Потант-сановель препаратын вена ішіне левофлоксацин енгізумен старттық ем жүргізуден кейін жай-күйі жақсаруы байқалған пациенттерде емдеу курсын жалғастыру үшін қолдануға болады.
Бактерияға қарсы дәрілерді тиісінше қолдануға қатысты ресми нұсқаулықтарды қадағалау қажет.
Қарсы көрсетілімдер
- левофлоксацинге немесе басқа хинолондарға, немесе компоненттерінің қандайда болсын біреуіне аса жоғары сезімталдық
- эпилепсия
- бұған дейін хинолондармен ем жүргізгенде сіңірлердің зақымдануы
- 18 жасқа дейінгі балалар және жасөспірімдер
Дозасы
Препаратты ішке күніне бір немесе екі рет қабылдайды.
Препаратты дене температурасы қалпына келгеннен кейін немесе бактериялық эрадикация белгілері бар болғанда тағы кем дегенде 48-72 сағат бойы қабылдауды жалғастыру тиіс.
Бүйрек функциясы қалыпты немесе орташа төмендеген (креатинин клиренсі > 50 мл/мин.) науқастарға препаратты дозалаудың келесі режимін қолдануға кеңес беріледі:
Синусит: күніне 1 рет 500 мг-ден – 10-14 күн.
Бронхитті қоса, өкпенің созылмалы обструкциялық ауруының асқынуы: күніне 1 рет 500 мг-ден – 7-10 күн.
Ауруханадан тыс пневмония: күніне 1-2 рет 500 мг-ден – 7-14 күн.
Созылмалы бактериялық простатиттің өршуі: күніне 1 рет 500 мг-ден – 28 күн.
Жедел пиелонефрит: : күніне 1 рет 500 мг-ден – 7-10 күн.
Несеп шығару жолдарының асқынған инфекцияларында: күніне 1 рет 500 мг-ден – 7-14 күн.
Асқынбаған цистит: күніне 1 рет 250 мг-ден - 3 күн
Тері мен жұмсақ тіндердің инфекциялары: күніне 1-2 рет 500 мг-ден – 7-14 күн.
Ауа-тамшы жолымен жұқтырған сібір ойық жарасының профилактикасы және емдеуі: күніне 1 рет 500 мг-ден – 8 апта.
Левофлоксацин негізінен бүйрек арқылы шығарылатындықтан, бүйрек қызметі бұзылған пациенттерде оның дозалау режимін КК деңгейіне байланысты түзету қажет.
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.