Құрамы
1 мл препараттың құрамында
белсенді зат - неостигмин метилсульфаты (Прозерин) 0,5 мг,
қосымша заттар - инъекцияға арналған су.
Дозасы
Миастения
Тері астына немесе бұлшықет ішіне инъекция.
Ересектер: күніне 2-ден 5 ампулаға дейін, 4-6 қабылдауға бөлінеді.
Балалар: 0,04 мг/кг/инъекция.
Пациенттердің ерекше топтары
Егде жастағы адамдар: егде жастағы адамдарда Прозерин препаратын қолдану бойынша нақты ұсыныстар жоқ.
Бүйрек жеткіліксіздігі бар пациенттер: неостигмин және оның метаболиттері негізінен несеппен шығарылады. Бүйрек жеткіліксіздігі бар пациенттерге төменірек дозалар немесе дозалау аралығы ұзағырақ қажет болуы мүмкін. Емдеу әсер ететін дозаны титрлеу арқылы жүргізілуі керек.
Бауыр жеткіліксіздігі бар пациенттер: бауыр жеткіліксіздігі кезінде Прозерин препаратының дозасы бойынша нақты ұсыныстар жоқ.
Простигминдік тест
Ересектер: 0,5-тен 1,0 мг-ға дейін бұлшықет ішіне немесе вена ішіне, 0,25 мг атропин сульфатының инъекциясымен бірге енгізуге болады (мүмкін болатын холинергиялық кризді шектеу үшін).
Балалар: 0,05 мг/кг бұлшықет ішіне немесе вена ішіне, атропин сульфатының инъекциясымен бірге енгізуге болады (мүмкін болатын холинергиялық кризді шектеу үшін).
Миастениялық синдромның жақсаруына қол жеткізген кезде препараттың әсері инъекциядан кейін 15 минуттан кейін басталады (птоздың азаюы, диплопияның біртіндеп жоғалуы).
Деполяризацияламайтын миорелаксанттарды қолданған соң операциядан кейінгі декураризация
Деполяризацияланбайтын кураренің әсеріне қарсы тұру үшін шынтақ жүйкесінде орналасқан төрт серияға төрт реакцияның қайта пайда болуын күту ұсынылады.
Жүрек жиырылу жиілігінің өте күрт өзгеруіне жол бермеу үшін, инъекция баяу болуы керек (шамамен 3 минут). Дозаны есептеу теориялық идеалды салмаққа негізделеді.
Ересектер: 0,06 мг/кг-нан асырмай, 0,04-тен 0,05 мг/кг-ға дейін.
Балалар: вена ішіне 0,03 мг/кг.
"Шектік" әсері бар, аса жоғары дозалар тыныс алу жолдарының жоғарғы бұлшықеттерінің бұлшықет әлсіздігін тудыруы мүмкін, бұл атап айтқанда апноэға әкелуі мүмкін.
Атропин сульфатын неостигмин дозасының жартысына тең дозада немесе гликопирролатты неостигмин дозасының төрттен біріне тең дозада бір мезгілде тағайындау ұсынылады. Өкпені желдету жағдайын, релаксация және ЭКГ мұқият бақылауды жалғастыру керек.
Бүйрек жеткіліксіздігі бар пациенттер
Неостигминді ұсынылған ең төменгі дозада қолданған кезде бүйрек жеткіліксіздігі бар пациенттерде рекураризация жағдайлары тіркелген жоқ.
Енгізу әдісі және жолы
Тері астына, бұлшықет ішіне, вена ішіне.
Ересектер мен балаларға тек аурухана жағдайында қолдануға ұсынылады.