Құрамы
Құрамы
Бір таблетканың құрамында:
белсенді зат: 256,0 мг, 512,0 мг левофлоксацин гемигидраты сәйкесінше 250,0 мг, 500,0 мг левофлоксацинге баламалы.
қосымша заттар: микрокристалды целлюлоза (PH 101), повидон (К30), кросповидон, сусыз коллоидты кремнийдің қостотығы, магний стеараты, натрий лаурилсульфаты
үлбірлі қабығының құрамы: Intercoat A05D00556 сары, пропиленгликоль, метиленхлорид, 2-пропанол, тазартылған су
Intercoat A05D00556 сары құрамы: гипромеллоза, полиэтиленгликоль, тазартылған тальк, титанның қостотығы (Е171), темірдің(III) сары тотығы (Е172)
Қолданылуы
Дәрілік препарат ересектерде келесі инфекцияларды емдеу үшін қолдануға арналған:
- жедел пиелонефрит және несеп шығару жолдарының асқынған инфекциялары;
- созылмалы бактериялық простатит;
- сібір ойық жарасы (қарым-қатынастан кейінгі профилактика және емдеу).
Препаратты төменде аталған инфекциялар кезінде, әдетте емдеу үшін ұсынылатын, бактерияға қарсы басқа дәрілерді қолдану мақсатқа сай емес деп есептелсе ғана қолдану керек:
- жедел бактериялық синусит;
- созылмалы бронхитті қоса, өкпенің жедел созылмалы обструкциялық ауруының (ӨСОА) өршуі;
- ауруханадан тыс пневмония;
- тері мен жұмсақ тіндердің асқынған инфекциялары;
- асқынбаған цистит.
Ремедиа дәрілік препаратын, жай-күйі жақсарған пациенттерде левофлоксацинмен бастапқы венаішілік емдеуге қосымша ретінде де қолдануға болады.
Бактерияға қарсы дәрілерді дұрыс қолдану жөніндегі ресми нұсқаулықты ескеру керек.
Қарсы көрсетілімдер
- левофлоксацинге, басқа хинолондарға, фторхинолондарға немесе кез келген қосымша заттарға аса жоғары сезімталдық;
- эпилепсияға шалдыққан пациенттер;
- анамнезінде фторхинолондарды қолданумен байланысты тендинит болған пациенттер;
- ауыр емес және бактерияға қарсы емдеусіз басылуы мүмкін инфекцияларды (мысалы, ауызжұтқыншақ инфекцияларын) емдеу;
- бактериялық емес инфекцияларды, мысалы бактериялық емес (созылмалы) простатитті емдеу;
- саяхатшы диареясының немесе төменгі несеп жолдарының қайталанатын инфекцияларының (қуықтан тыс таралмайтын инфекциялар) алдын алу үшін;
- егер әдетте ұсынылатын, бактерияға қарсы басқа дәрілерді пайдалану мүмкіндік болса, орташа бактериялық инфекцияларды емдеу үшін;
- жүктілік және бала емізу кезінде;
- 18 жасқа дейінгі балалар мен жасөспірімдер.
Дозасы
Дозалану режимі
Ремедиа таблеткаларын тәулігіне бір немесе екі рет қабылдайды. Дозасы инфекцияның типі мен ауырлығына және болжамды қоздырғыштың сезімталдығына тәуелді.
Сондай-ақ, Ремедиа таблеткаларын левофлоксацинді вена ішіне енгізумен бастапқы емдеу кезінде жақсару байқалған пациенттерде емдеу курсын аяқтау үшін де пайдалануға болады; парентеральді және оральді түрлерінің биобаламалылығын ескеріп, сол бір дозаны пайдалана беруге болады.
Дозалануы
Ремедиа таблеткалары үшін келесі дозалану ұсынылады:
Бүйрек қызметі қалыпты (креатинин клиренсі > 50 мл/мин) пациенттерде дозалануы
Тауардың суреті мен сипаттамасы басқа болуы мүмкін. Мысалы: елі, өндірушісі, құрамы, қолданылу көрсеткіштері, қарсы көрсетілімдері және дозасы өзгеше болуы мүмкін.
Тауардың суреті мен сипаттамасын тапсырыс рәсімделгеннен кейін APPTEKA қызметіне хабарласу арқылы нақтылауға болады.