Құрамы
Дәрілік препарат құрамы
Бір таблетканың құрамында
белсенді зат – серратиопептидаза 10 мг,
қосымша заттар: лактоза моногидраты, жүгері крахмалы, жеңіл магний карбонаты, натрий крахмал гликоляты (А типі), магний стеараты,
қабықтың құрамы: Опадрай YS-1-7027 ақ жабыны (гипромеллоза, титанның қостотығы (Е 171), триацетин), Опадрай OY-P-7171 ақ (поливинилацетат фталаты, титанның қостотығы (Е171), диэтилфталат, стеарин қышқылы), изопропил спирті, метиленхлорид, тазартылған су.
Қолданылуы
Кешенді емдеуде
- байламдардың созылулары мен үзілулерінде, сынықтар мен шығып кетулерде (ісінуді басу және зақымданған жердегі микроциркуляцияны қалпына келтіру үшін)
- гематомалардың қайтуын жылдамдату үшін
- жоғарғы тыныс жолдарының ауруларында (қақырықтың тұтқырлығын төмендету және оның шығуын жеңілдету үшін)
- ЛОР-ағзалардың ауруларында: қосалқы қойнаулар секретінің шығуын жеңілдетеді
- ауыру синдромымен жүретін дерматитте
- маститте (сүт бездерінде іркілістің азаюы үшін)
Қарсы көрсетілімдер
- әсер етуші затқа (заттарға) немесе қосымша заттардың кез келгеніне аса жоғары сезімталдық
- асқазанның ойық жаралы ауруы
- тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы немесе глюкоза-галактоза мальабсорбциясы бар тұлғалар
- жүктілік кезеңі
- 18 жасқа дейінгі балалар мен жасөспірімдерге
Дозасы
Препаратты кешенді ем құрамында, тәулігіне 2-3 рет 10 мг дозада (1 таблетка) тамақтан кейін тағайындайды. Таблеткаларды шайнамай, 1 стақан сумен ішіп жұту керек. Ең жоғарғы бір реттік дозасы – 10 мг.
Ең жоғарғы тәуліктік дозасы – 30 мг.
Емдеу курсының ұзақтығы патологиялық үдерістің сипаты мен динамикасына тәуелді және дәрігер жекелей белгілейді.
Енгізу әдісі және жолы
Ішке қабылдауға арналған.