Дозасы
10 г (1 ас қасық) препаратты эмальді ыдысқа салып, 200 мл (1 стақан) қайнаған ыстық су құяды, қақпақпен жабады да, қайнап тұрған суда (су моншасында) 30 минут қыздырады, бөлме температурасында 10 минут салқындатып, сүзеді, қалған шикізатты сығады. Алынған қайнатпаның көлемін қайнаған сумен 200 мл-ге дейін жеткізеді. Дайындалған қайнатпаны салқын жерде 2 тәуліктен асырмай сақтау керек. 1 ас қасықтан жылы күйінде күніне 3-5 рет тамақтанудан 40 минут кейін ішке қабылдайды.
Қолданар алдында қайнатпаны шайқау керек.
Енгізу әдісі мен жолы
Пероральді
Емдеу ұзақтығы
Емдеу курсын әрбір науқас үшін дәрігер жекелей тағайындайды.
Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну керек.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жоғары дозада және ұзақ уақыт қолданған кезде
- аллергиялық реакциялар
- жүрек айну, құсу, диарея, несеп шығару жолдарында қабыну үдерісінің өршуі
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Медициналық және фармацевтикалық бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК.
http://www.ndda.kz